*نسيم الشوق*

نسيم الشوق يلهو فى الحنايا..وحب البذل من خير السجايا..تجمل بالعطاءتعش كريما..وتلقى السعد فى دنيا البرايا..

فرحه من قلبنا

أييييييييييييييون..من القلب هنفرح بالعيد ...علشانك يا أكبر عيد

****سعييييييييييييد يا عيد***

**كل عام وأنتم إلى الله أقرب وعلى طاعته أدوم

وإلى الجنه أقرب وعن النار أبعد** .اللهم آمين

وبعدين يا خرفان يا بقر يا عجول....

مش مهم المهم تضحوا ....

وانا مش بخيله أنا هديكوا خروف بحاله وكمان شايل على قلبه يعينى نصيحه وجيبهالكوا.. يالا كله بثوابه..

هههههه هوه بس خايف على نفسه مش أكتر.

تقبل الله منا ومنكم .

*وعد منى*

نفسى من زمان أوعد نفسى بوعد بس خيفه لتحط فى ظروف ومعرفش انفذه وبأه خلفت الوعد...بس أخيرا خدت قرار انى لازم اوعد نفسى بالوعد ده لإنى إتحطيت فى اختبار من ربنا وساعتها بس عرفت ان انا كنت ممكن أموت وانا منفذتش الوعد ومحفظتش عليه.كنت خرجه من البيت وريحه المدرسه و كنت متأخره فنزلت من غير ما اصلى الصبح ..كنت مديقه جدا بس قولت اول ما اروح ان شاء الله هصليه مع الظهر.
ووانا بعدى الشارع...المفروض ان الطريق بيبقى فى اتجاه واحد بتمشى فيه العربيات واللى بيعدى بيبص ويعدى !بس معرفش الموتوسكل ده جيه منين وانا بعدى وبصه على العربيات جيه هوه فى اتجاه عكس العربيات و...وقعت فى الشارع واتعورط فى ايدى وهوه طلع جرى بالموتوسكل ..الناس بأه اتلمت وقومونى ومعلش يا بنتى ومنه لله و...انا كل اللى كنت بفكر فيه ساعتها انى كنت ممكن فعلا أموت لولا ستر ربنا وافتكرت الآيه (الله لطيف بعباده)وقولت الحمد لله ووعدت نفسى إنى مش هنزل من البيت أبدا غير لما أكون صليت الصبح وفعلا الحمد لله بقيت أعمل كده على طول وإتكرر الموقف بس بشكل مختلف فى يوم كنت متأخره جداا والمفروض ان معدنا الساعه 8 عشان اصلا الحصه بتبدأ8 وانا كنت صحيه 8إلا خمسه فلبست بسرعه وقولت انا لازم اصلى واتوضيت بسرعه وصليت ووصلت المدرسه الساعه 9إلا ربع وبصيت على الباب من بعيد ملقتش ولا مشرفه قعده فى الدور ودخلت بسرعه وطلعت على الفصل وكانت الحصه التانيه لسه بدأه والمدرسه كمان غابت .. يااااه قولت بس فعلا (ومن يتق الله يجعل له مخرجا ويرزقه من حيث لايحتسب)والوعد الجاى إن شاء الله إنى اقوم كووول يوم الفجر اللهم آمين.

*أول يوم تدوين *
تقريبا عرفت يعنى إيه مدونه من سنه ونص كنت فى أجازه تانيه إعدادى عرفته من أسماء أختى صاحبه مدونه (بحلم-ابنه الاسلام) كنت بقعد جنبها وهيه بتكتب وأقرأ الموضوع اللى هتنزله فى المدونه وأقولها رأي وكنا بندخل على مدونات كتير حبيت اوى المدونات وفكرتها بس كان بردك من الصعب عليا انى أدون يعنى كنت بقرأ المدونات اللى أسماء بتدخل عليها ومدونتها وبس وكمان هيه اللى كانت بتقرأ وأنا مستمع’’ كريم بس كنت بحب اسمعها اوى كنا بنقعد كل يوم باليل وندخل على مدونات كتير ونقرأ ...وفى تالته إعدادى فكرت أعمل مدونه وتكون حلوه زى المدونات اللى كنا بندخل عليها وأكتب فيها مواضيع مفيدةومتنوعه دينيه وسياسيه و... والحمد لله عملتها وانا فى اولى ثانوى وربنا يوفق واعمل فعلا مواضيع مهمه تفيدنى وتفيد اللى يقرأها وابقى فعلا حققت فيها هدف إنى أنفع غيرى بأى حاجه اتعلمها فى الدنيا وابقى من اللى ربنا قال عليهم(كنتم خير أمه أخرجت للناس تأمرون بالمعروف وتنهون عن المنكر وتؤمنون بالله..)اللهم آمين .

*(مقدمه )*
إلى من أحبهم قلبى...وسكنوا بعطفهم فى فؤادى...وأخلصوا حبهم لله...إلى كل أخ وأخت كان شعارهم(الإسلام هو الحل) وكانت غايتهم الله ...وزعيمهم وقدوتهم الرسول (ص)وجهادهم سبيلهم...والموت فى سبيل الله أسمى أمانيهم...إلى كل مدون ومدونه أحببت التدوين من خلالهم...عجز الكيبورد عن التعبير عما بداخلى...فلتكفيكم (إنى أحبكم فى الله).

*عود’’ والعود أحمد*

*للأسف رجعت الدراسه من تانى وبدأت أوضتى تتملى بالكتب من جميع ارجائها وفى كل مكان ورق ودوسيهات...إلخ. بس رغم ان الاجازة احلى منها الا انها ليها بردك مميزاتها يعنى مثلا فى الاجازه بيبقى من الصعب او بمعنى اصح من الغريب شويه الخروج الساعه سبعه الصبح والوقت ده بالنسبه لى أحسن وقت للخروج بس لما بآجى ألبس عشان أنزل أتمشى ولا حاجه ماما أو إخواتى بيستغربوا إيه ده إنتى ريحه فين!!ولو قولت نزله اتمشى!!!نعم تتمشى تتمشى فين إن شاء الله!آآآه هشترى حاجه من الفرن وحاجه حلوه آه حد عايز حاجه من تحت!!وبالفعل اشترى اى حاجه حلوه من السوبر ماركت واطلع تانى. لكن فى الدراسه بنصحى الصبح بالضرب عادى جداعشان نروح المدرسه !طب ما انا كنت بصحى وزى الفل تؤ سبحانك يارب ..وأبدأ بالبس وانا مش شيفه قدامى وانزل.. ببقى فرحانه جدا وامشى براحه لحد المحطة واركب واقعد أقول الاذكار فى الطريق بيبقى جو جميل اوى وبمجرد وصولى للمدرسه هه لو كنت ريحه فى معادى وده طبعا من القليل بالنسبه لإنى بقعداتمشى براحه بس مبقفش فى طابور المتأخرين الحمد لله بطلع زوغان ويبدأ اليوم الدراسى المملل الحصه الاولى غالبا بتبقى الفقه والابله مجرد متدخل تسلمنى كشكولها وابدا بكتابه الدرس على الصبوره عشان الابله مش بنفهم من خطها حاجه اوى .. وكالعاده شويه من البنات اياهم يفضلوا يشاكلوا فى الابله وهيه تزعق ويأما الحكم يبقى بالطرد خارج الفصل وعدم حضور الحصه وده اللى هما بيبقوا عيزينوا اصلا يأما نزول للعميده واستدعاء ولى الامر.. وغيره تقريبا نصف الحصه بيضيع فى كده ودى الحصه الاولى وهكذا بقيت التسع حصص باستثناءلوكانت الابله ليها شخصيه فكلوا طبعا بيتخرص ويحط فى بقوا ...وده اليوم الدراسى اللى بحس انوا طووووووويل بس رغم كده بردك بحب المدرسه! وبحب المواد اللى بدرسها فى الازهر جدااااا من فقه وحديث وتفسير وسيره وبلاغه ومطالعه ونصوص و نحو وصرف.. وعشان دخلت ادبى طبعا باخد جغرافيا وتاريخ...الخ تقريبا 22ماده ولله الحمد وبالتوفيق لينا كلنا إن شاء الله.

* أصعب لحظات الحياة * *من منا لم يمر بلحظه أعتقد أنها أصعب لحظات حياته؟!لحظه تمنى أن يعودالزمن فيها للوراء قليلا،حتى يغيرما يستطيع كى لاتمر هذه اللحظة التى غالبا ما تكون من أصعب لحظات حياته .......... *عندما ترى بعينك مالا يصدقه قلبك ولاعقلك . *عندماتفقدمن تحب دون أن تقول له......أنك تحبه. *عندماترى دمعة من تحب فتقف عاجزاعن إزالتها. *عندما تبتسم للحياة وتقول إن التعاسه والحزن قد فارقاك إخيرا... فتفاجأ بأنك خسرت أعز الناس إليك!!! *عندما يراك من تحب فى وضع المذنب!وأنت بريْ . *عندما تبكى وتبكى وتمر الساعات ومازلت تبكى وفى النهايه لاأحد يشعر بك!! *فحقا إن السعادة كالشمس تراها...... ولاتسطتيع الوصول إليها........ لكن !! (إلا مع الله عزوجل فالحياة فى رحابه وبتقواة هى السعادة ذاتها.....)


من أنا

صورتي
(إيمان )بنوته من الاخوان فى تالته ثانوى ازهرى بحب الناس وكل اللى بيحبونى وبحب الاخوان لأنى اصلاأتشرف انى اكون منهم وبحب البلد والمكان اللى انا عيشه فيه مش مهم هما إزاى لأن اكيد الناس هيه اللى عملت فيهم كده!!.. وبحب البيتزا والبانيه..وأكتروأهم حاجه نفسى ربنا يحققهالى إنى اموت شهيده بجد..

بحب الطبيعه

بحب الطبيعه

نسيم أعشقه


أستغفر الله الذى لاإله إلا هو وأتوب إليه

أستغفر الله الذى لاإله إلا هو وأتوب إليه

شعارنا

شعارنا

أفتخر بذلك..

أفتخر بذلك..

حقاً..

حقاً..

لاتنس ذكر الله

لاتنس ذكر الله

نحن معكى يا غزه

نحن معكى يا غزه

الشيخ أحمد ياسين

الشيخ أحمد ياسين

فضل الإستغفار

فضل الإستغفار

الإسلام هو الحل

الإسلام هو الحل

أحبكم فى الله

أحبكم فى الله

مدونات أقرأها

مدونات أقرأها

(ويبقى وجه ربك..)

(ويبقى وجه ربك..)

أنت قدوتى بعد الرسول

أنت قدوتى بعد الرسول
يتم التشغيل بواسطة Blogger.