*نسيم الشوق*

نسيم الشوق يلهو فى الحنايا..وحب البذل من خير السجايا..تجمل بالعطاءتعش كريما..وتلقى السعد فى دنيا البرايا..

*وعد منى*

نفسى من زمان أوعد نفسى بوعد بس خيفه لتحط فى ظروف ومعرفش انفذه وبأه خلفت الوعد...بس أخيرا خدت قرار انى لازم اوعد نفسى بالوعد ده لإنى إتحطيت فى اختبار من ربنا وساعتها بس عرفت ان انا كنت ممكن أموت وانا منفذتش الوعد ومحفظتش عليه.كنت خرجه من البيت وريحه المدرسه و كنت متأخره فنزلت من غير ما اصلى الصبح ..كنت مديقه جدا بس قولت اول ما اروح ان شاء الله هصليه مع الظهر.
ووانا بعدى الشارع...المفروض ان الطريق بيبقى فى اتجاه واحد بتمشى فيه العربيات واللى بيعدى بيبص ويعدى !بس معرفش الموتوسكل ده جيه منين وانا بعدى وبصه على العربيات جيه هوه فى اتجاه عكس العربيات و...وقعت فى الشارع واتعورط فى ايدى وهوه طلع جرى بالموتوسكل ..الناس بأه اتلمت وقومونى ومعلش يا بنتى ومنه لله و...انا كل اللى كنت بفكر فيه ساعتها انى كنت ممكن فعلا أموت لولا ستر ربنا وافتكرت الآيه (الله لطيف بعباده)وقولت الحمد لله ووعدت نفسى إنى مش هنزل من البيت أبدا غير لما أكون صليت الصبح وفعلا الحمد لله بقيت أعمل كده على طول وإتكرر الموقف بس بشكل مختلف فى يوم كنت متأخره جداا والمفروض ان معدنا الساعه 8 عشان اصلا الحصه بتبدأ8 وانا كنت صحيه 8إلا خمسه فلبست بسرعه وقولت انا لازم اصلى واتوضيت بسرعه وصليت ووصلت المدرسه الساعه 9إلا ربع وبصيت على الباب من بعيد ملقتش ولا مشرفه قعده فى الدور ودخلت بسرعه وطلعت على الفصل وكانت الحصه التانيه لسه بدأه والمدرسه كمان غابت .. يااااه قولت بس فعلا (ومن يتق الله يجعل له مخرجا ويرزقه من حيث لايحتسب)والوعد الجاى إن شاء الله إنى اقوم كووول يوم الفجر اللهم آمين.

21 التعليقات:

عبدالرحمن الشافعي 22 نوفمبر 2008 في 11:06 ص  

فعلا ..ومن يتق الله يجعل له مخرجا ويرزقه من حيث لايحتسب....


ربنا بيعلم الناس ...

وسبحان الله .,,
اليوم إلي انتي روحتي فيه متأخرة ..المدرسة غابت ...والمشرفين ما كانوش موجودين ..إلخ ,,,


ربنا عايز يقولك إنه حافظك ,,,,

عامل زي واحد صغير ....
باباه قاله إلي بيصلي الفجر في جماعة بيكون في ذمة الله حتى يمسي ,,,

فا الواد في يوم ..راح صلى مع والده في المسجد ,,,,
وراح اليوم ده المدرسة وهو مش عامل الواجب...
فا الأستاذ جه يضربه ,,,فا الواد قاله مش هتقدر تضربني ..
قاله ليه يعني ..قاله علشان أنا صليت النهاردة الفجر في جماعة ..وأنا في ذمة الله ...علشان كدة مش هتقدر تضربني ,,,
قا الأستاذ أعجب بيه ..وما ضربهوش فعلا ,,,

أهم حاجة يا حفيدة البنا ,,,إن الواحد يتعلم ,,,

ربنا أيكد عايز يعلمك حاجة ..
وانتي فعلا عرفتي إيه هي الحاجة دي...

انا آسف على الإطالة ..
بس المدونة أكثر من رائعة ..
وفقك الله ....

تحياتي لكي وتمنياتي لكي بدوام التفوق والنجاح ,,,
عبدالرحمن الشافعي

حفيدة البنا 28 نوفمبر 2008 في 7:35 ص  

أ.عبد الرحمن . أولا : آسفه على التأخير فى الرد.ثانيا: مفيش إطاله ولا حاجه حضرتك أول حد يعلق عندى عشان المدونه جديدة.ثالثا: جميله أوووى قصه الولد الصغير دى أول مرة أسمعها أفادكم الله وبجد جزاكم الله خيرا

أخـــ مسلمة ـــت 29 نوفمبر 2008 في 4:23 ص  

سبحان الله
ديما ربنا سبحانه وتعالي بيبعتلنا تنبيهات
نفس الموقف حصل معايا بس كنت خرجت من غير ما اصلي العشاء
وقولت لما ارجع اصلي
وكنا في فرح أخ نعرفه
واحنا راجعبن العربية اتقلبت بينا
وكان كل اللي مسيطر عليا وقتها اني ممكن اموت وانا ماصليتش

ربنا دايما بيقدر لنا الخير
و يبعت لنا رسائل تنبهنا
بس المهم نفهم الرسايل دي
ونصلح بيها حياتنا

بوركت حبيبتي
اسعدتني زيارتك جدا

حفيدة البنا 29 نوفمبر 2008 في 5:12 ص  

أخت مسلمه: (إن الله إذا أحب عبدا إبتلاه)فعلا ربنا لما بيحب عبده بيبتليه بحاجه تفكره بيه او بمعنى أصح تنبهه عن الغفله اللى كان فيها. جزاكى الله خيرا كثيراوالله شرفتى مدونتى المتواضعه

شهاب الأزهر 29 نوفمبر 2008 في 7:27 ص  

بسيطة... وعميقة

هادئة ورائعة

كلماتها قليلة، ولكنها تحمل معاني كثيرة


جزيتم خيرا

Unknown 29 نوفمبر 2008 في 3:29 م  

سلام الله عليكم ورحمته وبركاته
بارك الله فيكم
من رحمة الله بنا ان يبتلينا ليوقظنا من غفلاتنا ونعرف ان لاملجأ منه الا اليه وان الامور كلها بيديه
ونسأل الله ان يمن عليكم من عظيم فضله
وجزاكم الله كل خير

حفيدة البنا 30 نوفمبر 2008 في 5:00 ص  

أ.شهاب الأزهر. جزاك الله خيرا على المرور والتعليق .

حفيدة البنا 30 نوفمبر 2008 في 5:05 ص  

أ.الفاتح الجعفرى : صدقت فعلا (لا ملجأ من الله إلا إليه).يحب عبدة فيبتليه فيرجع إليه تائبا مستغفرا(جل علاه). جزاكم الله خيرا

Aml Ghonaim 30 نوفمبر 2008 في 7:40 ص  

لابد أن تلزمي نفسك بأشياء ؛ والا فانها من تلقاء نفسها لن تنصلح ؛ ولن تلتزم بشيء ..
الصلاة على وقتها تجعلك في ذمة الله .. هل ترضي بغيره بديلا ؟!
تدوينتك بسيطة وقريبة جدااا من القلب ...
أعانك الله على أن تكوني حفيدة للبنا حقاااا ...
على الهامش : سعيدة جدااا بكونك أزهرية ... ( عندي عنصرية بقى !!! )
ربنا يعينك يا جميل ..

صريح أوي 30 نوفمبر 2008 في 10:01 ص  

ياااااه
جزاكم الله خيرا
شعور راائع جدا
بارك الله فيكم
وثبتكم علي الحق
دائما .. ما يسير الانسان في طريق
يظل يجهل آخره لأنه لم يخطط له
والوعد أنا شخصيا باعتبره نوع من التخطيط

الوان الحياة 30 نوفمبر 2008 في 12:35 م  

السلام عليكم ورحمة الله وبركاته
اول زيارة ليه في المدونة بتاعتك بس ماشاء الله المدونة جميلة
انا باقي محصلش معايا حدثه بس والحمد لله بس اليوم الي بخرج فيه من غير ما اصلي الصبح بياقي يوم كئيب بالنسبة لي او لوكنت صليت الفجر وخرجت من البيت من غير ما اتوضاء بباقي حزينة اقوي
اتمني ان تقبليني زائرة للمدونة الخاصة بيكي

حفيدة البنا 1 ديسمبر 2008 في 5:48 ص  

إصرار أمل:
أبدا لن أرضى بغير الله عز وجل بديلا.
وجزاكى الله خيرا تلك النصائح الغاليه
وتلك الدعوة الجميله.

حفيدة البنا 1 ديسمبر 2008 في 5:54 ص  

أ.صريح أوى:
شرفتمونا و جزاكم الله خيرا على المرور والتعليق .

حفيدة البنا 1 ديسمبر 2008 في 6:19 ص  

الوان الحياة:
وعليكى السلام ورحمه الله وبركاته
شرفتنى فى مدونتى المتواضعه..
وبالنسبه لكونك بتحسى أن يومك كئيب من غير ما تصلى الصبح
فده شعور جميل جدااايساعدك على إنك تتمسكى بالصلاه
و بردك أنك تتوضى قبل ما تنزلى لعلها تكون النهايه و بحسن خاتمه إن شاءالله.وصدق الرسول (ص)إذ يقول (وجعلت قرت عينى فى الصلاه).ثبتكى الله وجزاكى الله خيرا

asmaa ibnatalislam 2 ديسمبر 2008 في 4:44 ص  

إيه الحلاوة دى يا إيمى لأ جامده جامده
طب مش كنتى تقولى إن الأوضه هتفضى عليه وأرتاح شويه يالا معلش خليها عليا المره دى الجايات أكتر من الريحات..
آه على فكره أنا هعلق على المواضيع كلها علشان متزعليش أن الكل بيعلق على آخر موضوع بس يالا أى خدعه.

طالبه الفردوس 3 ديسمبر 2008 في 5:14 ص  

السلام عليكم

اخيتى الحبيبه

انا سعيده اوى انى دخلت مدونتك ربنا يكرمك ويعزك
وسعدت جدا انك لما وقعتى جه فى تفكيرك علطول ربنا

وجميل اوى الوعد اللى انتى وعدتيه لربنا
وان شاء الله ربنا يعينك وتوعديه من انهارده انك تصلى الفجر حاضر

دمتى بايمان وسعاده

abo malek 4 ديسمبر 2008 في 7:05 ص  

ما شاء الله

بالناس امثالك يا اختي

ينتصر الاسلام

لازم نحافظ على صلاة الفجر

علشان ربنا يحبنا

ويختارنا شهداء

مبارك وعد صلاة الفجر

وعقبال وعد قيام الليل

والتهجد


تحياتي
أبو مالك من غزة

حفيدة البنا 4 ديسمبر 2008 في 7:07 م  

طالبه الفردوس:
شرفتينى
وياريت تدعيلى على طول كده ومتنسنيش من دعائك(يارررب) خصوصا إن إمتحناتى هانت خلااااص والطوارىء هتبدأ..
وفقكى وجزاكى الله خيرا كثيرا

حفيدة البنا 4 ديسمبر 2008 في 7:14 م  

سمسمه:
شكرا شكرا^_^
تؤ تؤ تؤ أنا مكنتش أعرف إنى كتمه علي نفسك أوى كده ماشى يا ستى بتدعى عليا ..أنا بأه هدعيلك
جزيتىىىىىىىىىىى خيراااا يا أختى ^_^.

حفيدة البنا 4 ديسمبر 2008 في 7:19 م  

أ.أبو مالك:
(يجعلنا ممن ينصرون دينه،وممن يحبهم،وممن يختارهم شهداء فى سبيله) اللهم آآآمين.
جزيتم خيرا

Unknown 10 ديسمبر 2008 في 7:11 ص  

سبحان الله

موقف مؤثر فعلا


من أنا

صورتي
(إيمان )بنوته من الاخوان فى تالته ثانوى ازهرى بحب الناس وكل اللى بيحبونى وبحب الاخوان لأنى اصلاأتشرف انى اكون منهم وبحب البلد والمكان اللى انا عيشه فيه مش مهم هما إزاى لأن اكيد الناس هيه اللى عملت فيهم كده!!.. وبحب البيتزا والبانيه..وأكتروأهم حاجه نفسى ربنا يحققهالى إنى اموت شهيده بجد..

بحب الطبيعه

بحب الطبيعه

نسيم أعشقه


أستغفر الله الذى لاإله إلا هو وأتوب إليه

أستغفر الله الذى لاإله إلا هو وأتوب إليه

شعارنا

شعارنا

أفتخر بذلك..

أفتخر بذلك..

حقاً..

حقاً..

لاتنس ذكر الله

لاتنس ذكر الله

نحن معكى يا غزه

نحن معكى يا غزه

الشيخ أحمد ياسين

الشيخ أحمد ياسين

فضل الإستغفار

فضل الإستغفار

الإسلام هو الحل

الإسلام هو الحل

أحبكم فى الله

أحبكم فى الله

مدونات أقرأها

مدونات أقرأها

(ويبقى وجه ربك..)

(ويبقى وجه ربك..)

أنت قدوتى بعد الرسول

أنت قدوتى بعد الرسول
يتم التشغيل بواسطة Blogger.