*نسيم الشوق*

نسيم الشوق يلهو فى الحنايا..وحب البذل من خير السجايا..تجمل بالعطاءتعش كريما..وتلقى السعد فى دنيا البرايا..

واكتشفت نفسى

السلام عليكم انا كده خلاص رجعت بس يارتنى ما كنت رجعت اكتشفت حاجات كتير اكتشفت انى لسه طفله وانى مش بعرف اخد اى قرار جد وانى لسه بعقل اطفال مش زيى ما بيقولوا انى مخى كبير اكتشفت انى لما ببقى فى موقف زى ده ...

بقف عاجزة وبهرب وببقى محتارة بين قلبى وعقلى

انا لو كنت عقله ومخى كبير كنت عرفت اقرر

كان بقى عندى صبر حتى على التفكير

مكنتش خفت وبقيت جبانه انى افتح اى باب منهم

لكن مفتحش واحد نص فتحه واجرى افتح التانى نص فتحه

واستنى التالت يفتح لوحده

لإنى عرفه انى المفروض كنت روحت له من الاول

وفى الآخر اهرب تانى

طب ما كان من الاول

بس ده قدرى

وهصبر عليه

وهستحمل

ومش ههرب

وهقرب

وهختار

وهبقى راضيه باللى اخترته

وهحكم عقلى وقلبى

وقبلهم

هحكم ربنا

وادعوا لى اوى

ربنا يريح قلبى

ويصبرنى

سلام عليكم

33 التعليقات:

غير معرف 12 يوليو 2009 في 7:31 م  

السلام عليكم ورحمة الله وبركاتة
مش من اول موقف نقابله في حياتنا
ومش نقدر ناخد قرار يبئي معني كدا اننا لسة عيال او مش قادرين ناخد قرار
بالعكس ناس اكبر منننا بكتير ومش بيقدروا ياخدوا اي قرار
ودا بردوا مش ضعف
بس لازم اننا ناخد رأي اللي حوالينا
ولازم مش تاخدي قرار الا بالشوري مع الناس اللي تثقي فيهم
وبعدها تقرري تدخلي اي بابا
بس عجبني جدا اصرارك ف الاخر
بس بردوا لازم تاخدي المشورة
وربنا معاكي واستخيري ربنا
السلام عليكم

حفيدة البنا 13 يوليو 2009 في 1:06 ص  

هعزف لنفسى:
وعليكم السلام ورحمه الله وبركاته
جزاكم الله خيرا على المتابعه
كلام حضرتك طمنى جدا
بس للأسف أنا محتاجه رأى نفسى الاول وبعد كده اسأل اللى حواليا يعنى اقرر واخد رأيهم فى القرار مش اخليهم هما يقرروا لى من البدايه ولا ايه؟؟
انا اكيد هستخير ربنا وإن شاء الله هرتاح ساعتها.
جزاكم الله خيرااا
وعليكم السلام

إيمان بنت الحرية 13 يوليو 2009 في 2:41 ص  

عارفة اتخاذ القرار انا بشوفه اصعب حاجة بجد ....
واصعب لما تكونى هتاخدي القرار لوحدك
واصعب لما تكونى مش عارفة انهى قرار اللى هيرضى ربك ...
بصى فكرى كويس ومتتسرعيش
وشوفى القرار اللى هيرضى ربك واهلك ثم اللى هيرضيكى انتى ..
استعينى بالله واتوكلى عليه
"ومن يتق الله يجعل له مخرجا "

واما انك تاخدى راى الناس اللى بتثقى فيهم ..فانتى بتساليهم عن رايهم فى الموضوع مش بتتاخد قرارك منهم ..وهتلاقى رايهم افادك جدا واضاف لك حاجات انتى مكنتيش شايفاها وبذات ان الواحد لما يكون عايز ياخد قرار مش بيكون عارف يفكر ..فانتى خدى رايهم وشوفى ايه نظرتهم ف الموضوع ..وان شاء الله هيفيدكى

وفعلا جميل الاصرار اللى فى الاخر ..

وعلى فكرة مش هى دى نفسك ...
دا تصرف من مئات التصرفات اللى نفسك بتتصرفها ...
يعنى مش مقياس تقيسى بيه وعليه نفسك
على فكرة انا كمان دلوقتى قدامى كذا حاجة وكل حاجة فيها اكتر من باب وكل باب هيترتب عليه اكتر من حاجة..

ربتا يعينك يارب ويهديكى لقرار الاصوب والاصلح لكى ...

حفيدة البنا 13 يوليو 2009 في 3:12 ص  

إيمان بنت الحريه:
والله حببتى كلامك انتى كمان ريحنى وطمنى وعرفه ان كلامكم الصح بس لما الواحد بيبقى بنفسه جوة الموقف بيبقى هيتجنن
بس انا الغلط اللى انا عملته انى مخترتش انا قرنت حطيت نفسى فى مقرنه فصعبتها على نفسى اكتر واكتر انا ان شاء الله همسك باب باب ومش هفكر الا فى باب واحد ولما اخد القرار فيه هشوف ساعتها وهتصرف فى الباقى
وعرفه
انا هستشير البيبان نفسها ازاى دى سيبيهالى
بس انتى ادعى لى
الله المستعان
جزاكى الله خيرا حببتى ريحتينى والله
سلام عليكى

وحي القلم 13 يوليو 2009 في 2:47 م  

السلام عليكم

كويس انك قدرت تكتشفي نفسك دا انجاز

لكن ياريت نسعى لنغير من انفسنا

حفيدة البنا 14 يوليو 2009 في 3:52 ص  

مصعب صلاح:
جزاكم الله خيرا على المرور والتعليق

الوان الحياة 15 يوليو 2009 في 4:11 م  

السلام عليكم ورحمة الله وبركاته
اختي العزيزه الصغيرة : ايمان
اكيد طبعا فاكركي
جميل اني الواحد يكتشف نفسه بس اكيد كل مره بتكتشفي حاجه جديدة عن نفسك
انا نفسي اكتشف نفسي
وجزاكم الله خيرا علي السؤال عني في غيابي انا سعيدة بجد انك سالتي عني

حفيدة البنا 16 يوليو 2009 في 4:19 ص  

وعليكم السلاام حبيبه قلبى
طبعا طبعااا فكراكى انا اقدر انساك يا جميل
الحمد لله على كل حال انا بس الضغط عليا وفى وقت واحد مدنيش فرصه انى افكر فمكنتش عرفه اعمل ايه
بس والله الحمد لله لما ركزت كده وقعدت مع نفسى لقيت العمليه سهله جدا والاختيار واضح
ادعى لى بس اختار صح
ودمتى لى بخير حببتى
طمنطينى عليكى
كنتى وحشانى
سلام عليكى

أحمد بسام 19 يوليو 2009 في 1:35 م  

الاخت الكريمة : حفيدة البنا
اكيد كان فى ضغط على حضرتك و لكن اظن انها فرجت
وفقك الله و اعانك

حفيدة البنا 19 يوليو 2009 في 3:29 م  

احمد بسام:
الحمد لله ع كل حال
هوه فعلا كان ضغط واى ضغط
الحمد لله بس هيه مفرجتش اوى يعنى
اول لما تفرج
هاجى تان المدونه وابشركم
ووفقكم اخى
سلام عليكم

غير معرف 19 يوليو 2009 في 9:14 م  

يارب يكون خير وتطمنينا

حفيدة البنا 20 يوليو 2009 في 12:08 ص  

ان شاء الله خير ادعو لى انتوا بس
وبجد جزاكم الله خيرا على الطمأنينه اللى مدينهالى .

عبدالرحمن الشافعي 21 يوليو 2009 في 7:12 ص  

السلام عليكم
أول تعليق ليا في المدونة ,,, مدونتك أكثر من رائعة ...
بس أنا عايز أقولك على حاجة ,,,
إنتي أظن دخلتي مدونتي وقرأتي الموضوع إلي أنا كنت كاتبه عن نفسي دده ...
أظن إن مشكلتك تقريبا زي مشكلتي بالظبط .
بصي يا حفيدة البنا ,,,
إنتي مشكلتك إنك مش عندك ثقة في نفسك ,,,
والثقة دي مش بتيجي من فراغ ,,,
يعني مش لازم نختار القرار الصح من أول تجربة كدة ...
يعني الثقة في النفس بتيجي مع التكرار ,,,

ومافيش مشكلة إنك تجربي وزي ما قالوا الحياة ما هى إلا كتلة من التجارب

تأخذنا من تجربة لتجربة ومن صفحة لأخرى

قد تكون بقسوة وقد تكون برقّة

ليس مهم

المهم هو اختلاف الوان تجاربنا فيها من مؤلم لمفرح لمقلق لجذّاب لغير واضح

طعم مختلف لكل تجربة قد ينتهى بالمرارة وقد تكون نهايته حلوة

المهم

ألا تتوقف حياتنا عند حد التجربة نفسها

بل لابد أن تكون حافزاً

إمّا لنتعلّم ونتجنّب مثلها ان كانت مرة ونبدأ من جديد

وإمّا أن نتّخذها كخطوة فى سلسلة تجارب فى الحياة تعلو وتغلو فى القيمة والهدف باستمرار

حتى نحقق لأنفسنا ما نريد فيها

تحياتي لكي اختي ...

عبدالرحمن الشافعي

حفيدة البنا 23 يوليو 2009 في 5:14 ص  

عبد الرحمن الشافعى:
وعليك السلام أخى:
لا دى مش اول زيارة ولا حاجه حضرتك شرفتنى قبل كده بس عشان بقالك كتير فنسيت وعموما على بيسلم على حضرتك لو فكرة اخوبا واخوصاحبه مدونه بحلم..
اما عن الثقه بالنفس فممكن عشان انا اصغر اخواتى فحسه انى طول عمرى هفضل صغيرة بس الحمد لله هيه موجودة هوة مش عدم ثقه ولا حاجه بالعكس ده ممكن عشان لقيت نفسى موضع اهتمام كبير وانا مش وخدة بالى بس الحمد لله انا هاخد القرار هيه فعلا تجربه فدتنى جدا وبتفدى على القلل اتعلمت ان مش كل حاجه ينفع فيها المقارنه فيه حاجات لازم فيها الاحتيار يتنفع يامتنفعش وهوة ده اللى على اساسه هاحد القرار
اخى جزاكم الله خيرا كلامك فعلا صحيح مش غلط عدم الثقه ممكن تكون عندى وانا مش حسه بس عشان انا وضعى انى اصغر اخواتى بس انا الحمد لله بتحكم فيها
وعموما ادعى لى ربنايريح قلبى انا عيزة استعد لرمضان
ومنتظرين جديد مدونتك الرائعه
تحيات لك\والسلام عليكم

صاحب المضيفة 24 يوليو 2009 في 4:12 ص  

ان الواحد يفضل ببراءة الأطفال فدي نعمة تستوجب الشكر

مستعجلة على المسئولية ليه



كان الله لك وسهل لك العسير يارب

حفيدة البنا 26 يوليو 2009 في 5:03 ص  

sahep el madyafa:
malsh el kopuotar mosh rady yktep arapy llasaf
el mohem
akid ana mosh mistagela ala el masolia khalis pel aks ana pahes eny pahrap men ay masolia dah mosh piedy
allahom amen ala el dawat
gazakom allah khyran ostazy
shrftmona
salam alykom

غير معرف 26 يوليو 2009 في 5:08 ص  

سبحاااااااااااان الله الكمبيوتر ده غريب بعد مانزلت التعليق مباشرة كتب عربى ومش راضى يكتب انجليزى
!!!!!!!!!!!
لا حول ولا قوة الا بالله العلى العظيم
يارررررررب
سلاااام
حفــــــــــــــيدة البنا؛

ابو صهيب ( الجمعاوي الاصيل)سابقاً 28 يوليو 2009 في 2:14 ص  

السلام عليكم ورحمة الله وبركاته

اختي الفاضلة
ان اصعب ما يواجه الانسان في الدنيا هو اتخاذ القرار

ولكن ليس معنى ذلك انه علينا دائماً ان نتخذالقرارت السليم الصائبة ولكن لابد من بعد القرارات الخاطئة بعض الوقت

وكيف لنا ان نتعلم لن لم نخطئ

وليس معنا اننا اتخذنا قراراً خاطئاً اننا لا نستطيع اتخاذ قرار

لا تجلدي ذاتك واصبري عليى نفسك وبارك الله فيكي

حفيدة البنا 28 يوليو 2009 في 3:04 م  

ابو صهيب:
وعليكم السلام ورحمه الله وبركاته
اه طبعا لازم نغلط عشان نتعلم
بس انا اصلا مخدتش قرار
ادعى لى آخد القرار ويكون صح
شرفتنى
جزاكم الله خيرا
تحياتى

أحمد رشاد 28 يوليو 2009 في 11:47 م  

الصغير سوف يكبر في يوم من الأيام _

كلنا نمر بصعوبة الإختيار في كثير من الامور و لكن يبقى نور الله سبيلنا و مرشدنا .

حفيدة البنا كبيييييرة لأنها حفيدة البنا و لا أنت رأيك أيه ؟!؟.

حفيدة البنا 29 يوليو 2009 في 3:34 ص  

احمد رشاد:
اكيد طبعا لو كان مكتوب له عمر
الله المستعان طبعا
شرفتنى
جزاكم الله خيرا
سلام عليكم

غير معرف 1 أغسطس 2009 في 9:11 ص  

اية ياايمان هو مفيش جديد ولا اية
ياريت حتي تطمنينا عليكي

حفيدة البنا 1 أغسطس 2009 في 2:07 م  

هعزف لنفسى:
لا انا اجلت دلوقتى :)
طب اعمل ايه
اصل رمضان جى وانا عيزة استعد بقى بجد فى مليون حاجه فى دماغى عيزة اعملها
بس متقلقوش انا هطمنكوا ان شاء الله
ايه ده
انا فرحانه
انت كده بتدعى لى
جزاكم الله خيراااااااااااااااااااااااااا
اناوالله بدعلكوا كلكوا كلنا فعلا محتجين ندعى لبعض
ربنا يوفقكوا وميحرمنيش منكوا
تحياتى

غير معرف 3 أغسطس 2009 في 11:54 م  

السلام عليكم
ازيك ياخت ايمان (حفيدة البنا )
في فكرة لحملة للمدونين
ومش هقدر اقول علي اسمها دلوقتي
فياريت لو تشاركينا الرأي ويكون في وسيلة اتصال

حفيدة البنا 7 أغسطس 2009 في 7:49 ص  

هعزف لنفسى:
انا الحمد لله بخير
جزاكم الله خيرا ع السؤال الدائم اخى
واكيد طبعا معاكم وهشركم الرأى
انا موجوده لو احتجتونى
جزيتم خيرا
وربنا يوفقكوا

ايمان روحي 7 أغسطس 2009 في 3:11 م  

السلام عليكم ورحمة الله وبركاته
بجد وحشاني
وعارفه انك ماموسه مني
اني مش بزورك
والله مش بايدي
غصبن عني
بجد بجد
معكوكه اوي
واديني بحاول اقاوم
هههههههههههه
بس بشكرك انك كنتي تسالي علي ده اولا
وتانيا
وده الاهم
ليه بتقولي عن نفسك كده
كلنا بنمر
بلحظة الم
وعدم اتزان
وخوف
بس ده ميعنيش اننا ضعاف
كل واحد فينا جواه قوة
بس كامنه
نقدر نستخدمها باي وقت احنا نختارو
بس انتي فكري من جوه بكيان وعقلانيه
اقعدي مع نفسك
وبهدوووء
وهتوصلي لقرار
ولو معرفتيش
وتعبتي
استشيري حد بتثقي فيه
حد يقدر يساعدك
متتضعفيش
ومتسلميش
ومتقوليش خلاص انا ضعيفه
حتي لو كنتي ضعيفه
قاومي
لازم تقاومي
وتحاولي
وقرري
واكيد هتقرري صح للي انتي عايزاه
بس متنسيش
مالخاب من استشار
بس المهم تعلرفي تختاري مين تستشيري
هههههههههههههه
رغايه انا مش كده
( وث وكثوف)
ههههههههههههههه
يارب تكوني باحسن الاحوال
تحيـــــــــاتي

حفيدة البنا 7 أغسطس 2009 في 6:34 م  

ايمااااااااان
يا روحى يا روحى يا روحى
انا ماموصه ماموصه خالص
بس خلااص يا روحى انا عذراكى
وحشتينىىىىى اوووووووووى
بس ليه كل ده
وبعدين عيب عليكى بشكرك ايه بس دا واجب عليا انا اللى مقصرة
اما القرار ده خلااااااص اجلته لبعد رمضان وعليكى خير
متقلقيش كل حاجه فى اولها صعبه انا هاخد القرار ولوحدى كمان يا بنتى ان قويه وبلعب كونغ فو انتى متعرفنيش
ههههههههههههههههههههههههههه
بجد وحشتينى انا عيزة ميلك بس ازاى؟؟؟
حلى االموضوع ده
سلاام يا روحى

غير معرف 9 أغسطس 2009 في 12:22 ص  

جزاك الله خيرا ياحفيدة البنا
بس دلوقتي محتاجين وسيلة اتصال
ممكن لو حضرتك تدخلي مدونتي
وفي صندوق شات مباشر لو انا موجود هرد عليكي
او تسيبي اوف لاين في الصندوق
وهيوصلني باذن الله
عشان بس الموضوع يكون في سرية لحد ما نرتب كل شيئ
حضرتك موافقة

دكـــــتور جدا 9 أغسطس 2009 في 10:34 م  

تحياتي

مدونتك رائعة

حسن سعد 10 أغسطس 2009 في 4:05 م  

اذا اردت ان تصل الى القرار الصحيح فانصحك بان تكون اولا صريح وواضح مع نفسك .. وبعد ذلك فلتستخير الله فى كل شيئ فهو يعلم وانت لا تعلم .. وبعد ذلك فلتأخذ برأى من حولك ممن تثق فيهم فان المؤمن اخو المؤمن ..


وشكرا - اخوكى حسن

حفيدة البنا 11 أغسطس 2009 في 2:10 ص  

هعزف لنفسى:
جزانا وإياكم
إن شاء الله هتابع فى مدونه حضرتك
على الشات ومنتظراكم
جزيتم خيرا
ــــــــــــــــــــــــــــــــــ
محمد سليمان:
جزاكم الله خيرا على المرور والتعليق
ـــــــــــــــــــــــــــــــــــ
حسن سعد:
تمام استاذى
جزاكم الله خيرا ع النصيخه الغاليه
شرفتمونا
تحياتى

سلمى 13 أغسطس 2009 في 2:02 م  

حبيبتى ايمان اوعى تزعلى من انك كده لاننا كلنا فى وقتك كنا كده انا كمان لحد دلوقت زيك بحتار ومفيش قرار
بس استعينى بالله
دمتى فى سعاده

حفيدة البنا 14 أغسطس 2009 في 4:20 م  

سلمى :
جزاكى الله خيرا يا حبيبه قلبى انا خلااااااااااص خدت القراااار اخيرا الحمد لله
بجد ربنا كررريم اوووووى
اسعدنى مروك حببتى
دمتى بخير


من أنا

صورتي
(إيمان )بنوته من الاخوان فى تالته ثانوى ازهرى بحب الناس وكل اللى بيحبونى وبحب الاخوان لأنى اصلاأتشرف انى اكون منهم وبحب البلد والمكان اللى انا عيشه فيه مش مهم هما إزاى لأن اكيد الناس هيه اللى عملت فيهم كده!!.. وبحب البيتزا والبانيه..وأكتروأهم حاجه نفسى ربنا يحققهالى إنى اموت شهيده بجد..

بحب الطبيعه

بحب الطبيعه

نسيم أعشقه


أستغفر الله الذى لاإله إلا هو وأتوب إليه

أستغفر الله الذى لاإله إلا هو وأتوب إليه

شعارنا

شعارنا

أفتخر بذلك..

أفتخر بذلك..

حقاً..

حقاً..

لاتنس ذكر الله

لاتنس ذكر الله

نحن معكى يا غزه

نحن معكى يا غزه

الشيخ أحمد ياسين

الشيخ أحمد ياسين

فضل الإستغفار

فضل الإستغفار

الإسلام هو الحل

الإسلام هو الحل

أحبكم فى الله

أحبكم فى الله

مدونات أقرأها

مدونات أقرأها

(ويبقى وجه ربك..)

(ويبقى وجه ربك..)

أنت قدوتى بعد الرسول

أنت قدوتى بعد الرسول
يتم التشغيل بواسطة Blogger.