*نسيم الشوق*

نسيم الشوق يلهو فى الحنايا..وحب البذل من خير السجايا..تجمل بالعطاءتعش كريما..وتلقى السعد فى دنيا البرايا..

ذكريات وإفتكرتها

ا لسلام عليكم .. وحشتونى بلا شك... ماشى هخش فى المفيد

الاإمتحانات كانت متعبه جدا ولما الواحد سدق خد نفسه للأسف مجتش فرصه اوى بسبب مرض قلبى وروحى وكلى(أمى) بس الحمد لله على كل حال.
ادينى رجعت تانى ..وقلبت فى حاجات قديمه
من ضمنها كانت مؤلفات ليه من تالته إعدادى كنت دماغ اوى
وبحب اكتب وحماسيه جدا
فالأولى كانت، مش عرفه اسميها ايه، بس هيه عنوانها كان "أنٌـــادى يا عرب" وكلماتها..
أنادى يا عرب ولم تسمعونى *وبالرصاص يا عرب وقد طعنونى
أنادى يا عرب أن انجدونى*وبأيدكم أن تنصرونى
أنادى يا عرب هل تسمعونى *وانا انادى ولا تبصرونى
ولكنكم بالقلب ترونى*وبالدعاء يا عرب تستجيبونى
أنادى يا عرب ولم تسمعونى
وفى الوطن يا عرب ولم تعرفونى* تبرون منى وانت ترونى
فهل يقتلون النساء أم الاطفال *ولكن ياعرب اين الرجال؟!
هل يقتلون الشيوخ أم الشباب * وأين همو !وما فعل الذئاب
أنادى يا عرب ولم تسمعونى
أنادى ياعرب ودموعى جفت *من البكاء يا عرب وقد قفلت
وللحق للعدو أن يستجم *وهو يرى ما فعلت بنا الأمم
قالوا عن المقاطعه وفرضوها *ولكن الناس هل يتبعوها؟!
أنادى يا عرب ولم تسمعونى
.....
دى الأولى
أما التانيه كان اسمها "غابه الأغنام"!! وكلماتها...
"كنت طيراً أعيش فى سلام ..من غصن إلى غصن ولا أبالى للأيام..اذهب للأسد فى عرينه بلا كلام..اذهب للتمساح فى البحيره وانظر للأمام..
وفى كل هذا!ما حدث أنى رأيت فى يوم من الأيام
حيوانا بحسام(سيف)يحمى حيوانا من حيوان.. ولكن!حدث وأنى رأيت هذا العجيب العجاب..
فعندما مزلت دنيا الانام وجدت ما هو أغرب من الاحلام! فوجدت...
!إنسانا يحمى إنسانا من إنسان!
فعلمت أن دنيا الأنام من وصفها بأنها"غابه الاغنام"
قد أكل كثيرا ثم نام .."
..وكفايه كده لحسن انا مبقتش فاهمه حاجه هما فيهم شويه جمل كده مش متركبه اوى بس معلش بقى
فى النهايه
أسألكم الدعاء لى بالثبات ولأمى بالشفاء.
أحبكم فى الله

20 التعليقات:

دكـــــتور جدا 11 فبراير 2010 في 2:21 م  

عودا حميدا
والف سلامة للوالدة
شفاها الله وعافاها

تحياتي

غير معرف 15 فبراير 2010 في 12:50 م  

ههههههههههههههههههههههههههه
دة اكتر تعليق مناسب بس المواضيع فيها تغييرات شوية على بتاعت ثالثه اعدادى ما علينا المهم ان انتى لسة انتى متغيرتيش ابقى سلميلى على طنط عقبال اما نيجى نزورها تانى

غير معرف 15 فبراير 2010 في 12:51 م  

سورى نسيت اقولك انا مين بس طبعا انا متاكدة ان انتى عارفة

حفيدة البنا 15 فبراير 2010 في 3:35 م  

ضكتور جداً:
جزاكم الله خيرا
ـــــــــــــــــــــــــــــــــــ
لا غير معروف ولا حاجه:
معروفه طبعا يا بوته بقى ههههههههههه اكتر تعليق مناسب ماشى ماشى .
الله يسلمك هيوصل حاضر ومستنينكو بس مش كل شويه تنطولنا 8_8
منتظره تعليقاتك ع طوول ودعواتك .

لؤلؤة الاسلام 18 فبراير 2010 في 4:24 ص  

السلام عليكم
مدونة جميلة ما شاء الله

و الف سلامة علىى امك ربنا يشفيها ان شاء الله قريبا

و تقبى مرورى
و تحياااتى

غير معرف 19 فبراير 2010 في 10:47 ص  

ماشى ياذوق احنا كل شوية ننطلكو بس متبقيييييييش تتحايلى علية اجى عندكو تانى وبعدين هنيجى بس عشان خاطر عيون طنط وثواب عيادة المريض حق المسلم على المسلم خمس يا ازهررررررية

حفيدة البنا 19 فبراير 2010 في 2:08 م  

لؤلؤة الإسلام:
وعليكى السلام
جزاكم الله خيراً حببتى
الله يسلمك ..اللهم آمين
نورتينى
ــــــــــــــــــــــــــــــــ
مقولنا معروفه الله:
لالا انا ذوق طول عمرى وبعدين يو شور شور يعنى انى بهزر بس بردك بلاش تنطيلى فى المدونه كتير رغم انك منورة ^_- وسلمى لى على طنط وهيه فعلا اكيد بتاخد ثواب عظيم على الزيارة ونحتسبلها الاجر عند ربنا.
سلام يا بوته

أحمد بسام 20 فبراير 2010 في 1:19 م  

حمد لله على السلامة اختى الفاضلة لمدونة حضرتك وحشة و اسف على طول الغياب

غير معرف 22 فبراير 2010 في 11:45 ص  

كلامك هو اللى شور شور متناقض وبعدين انا موش بعرف اكتب اسمى بلاش تحرجينى كبيرى اوى كده ما انتى عارفة الله

غير معرف 22 فبراير 2010 في 11:51 ص  

؟؟؟؟؟؟

زهرة الأقصى 22 فبراير 2010 في 12:53 م  

مدونه جميلة ما شاء الله من بنوته رقيقة
حبيبتي الفين سلامه علي ماما
أسال الله العظيم ان يشافها اللهم امين

TWEETY 25 فبراير 2010 في 9:24 ص  

ازيك ياطانت
انا مبسوطة خالص انى زرت المدونة
انا جيت اسلم على حضرتك
واقولك انى عاملة حفلة عشان بابا اخد افراااج ابقى تعالى زورها ماشى
انا همشى عايز حاجة
مع السلامة

حفيدة البنا 26 فبراير 2010 في 7:02 ص  

أحمد بسام:
جزاكم الله خيراً
ـــــــــــــــــــــــــــــــــــ
بووووووووته:
مــاشى إنتهينا
ويلا خليها عليا وهبقى اقولك موضوع الاسم ده ازاى
الله المستعان؛
ـــــــــــــــــــــــــــــــــــ
زهرة الأقصى:
ربنا يكرمك وجزاكى الله خيراً
الله يسلمك
اللهم آمين
نورتى المدونه
ـــــــــــــــــــــــــــــــــــ
:TWEETY
ازيك ياطانت؟
ـ هههه طنط كويسه الحمد لله
انا مبسوطة خالص انى زرت المدونة
ـ أنا مبسوطه أكتر بوجودك
انا جيت اسلم على حضرتك
ـ الله يسلمك تسلمى ياقمر
واقولك انى عاملة حفلة عشان بابا اخد افراااج ابقى
ـ الف مبرووووووك لولدك حمدا لله على سلامته وعودته
تعالى زورها ماشى
ـ أكيد طبعاً
انا همشى عايز حاجة
ـ اه عوزة سلامتك
مع السلامة
ـ الله يسلمك/سلااام

طلباوي 5 مارس 2010 في 10:01 ص  

السلام عليكم ورحمة الله وبركاته

هذه أول زيارة ليه في مدونتك الرائعة

ويشرفني أن تدخلي إلي مدونتي

بس بسراحة مدونتك رووووووووووووعة

Unknown 5 مارس 2010 في 12:51 م  

السلام عليكم
مدونتك حلوة أوي يا ايمان .
أسأل الله العظيم رب العرش العظيم أن يشفي والدتك .

حفيدة البنا 6 مارس 2010 في 5:19 ص  

فلسطينى:
وعليكم السلام ورحمه الله وبركاته:
جزاكم الله خيراً
ـ إن شاء الله
شكرا
ـــــــــــــــــــــــــــــــ
free moslema:
وعليكى السلام
ربنا يكرمك حببتى
اللهم آمين
سنتواصل
نورتينى

♥ ♥ Amira Samy ♥ ♥ 6 مارس 2010 في 12:16 م  

السلام عليكم ورحمة الله و بركاتة

مدونتك الصراحة جميلة جداً و شكلها جذاب أوى تقبلى مرورى
يدوم التواصل

ع نوتة 16 مارس 2010 في 2:52 م  

بجد رائعة ودا اول مرور لى

نرجو المتابعة

mo'men mohamed 20 مارس 2010 في 2:10 ص  

شفا الله الوالده و عفاها
و بالتوفيق ان شاء الله

حفيدة البنا 27 مايو 2010 في 2:30 م  

سلسبيل:
وعليكى السلام ورحمه الله وبركاته
جزاكى الله خيرا
ان شاء الله
شرفتينى
ـــــــــــــــــــــــــــــــــــ
ع نوته:
جزاكى الله خيرا
متواصلين ان شاء الله
ــــــــــــــــــــــــــــــــــ
مؤمن محمد:
اللهم آمين جزاكم الله خيرا ع المرور


من أنا

صورتي
(إيمان )بنوته من الاخوان فى تالته ثانوى ازهرى بحب الناس وكل اللى بيحبونى وبحب الاخوان لأنى اصلاأتشرف انى اكون منهم وبحب البلد والمكان اللى انا عيشه فيه مش مهم هما إزاى لأن اكيد الناس هيه اللى عملت فيهم كده!!.. وبحب البيتزا والبانيه..وأكتروأهم حاجه نفسى ربنا يحققهالى إنى اموت شهيده بجد..

بحب الطبيعه

بحب الطبيعه

نسيم أعشقه


أستغفر الله الذى لاإله إلا هو وأتوب إليه

أستغفر الله الذى لاإله إلا هو وأتوب إليه

شعارنا

شعارنا

أفتخر بذلك..

أفتخر بذلك..

حقاً..

حقاً..

لاتنس ذكر الله

لاتنس ذكر الله

نحن معكى يا غزه

نحن معكى يا غزه

الشيخ أحمد ياسين

الشيخ أحمد ياسين

فضل الإستغفار

فضل الإستغفار

الإسلام هو الحل

الإسلام هو الحل

أحبكم فى الله

أحبكم فى الله

مدونات أقرأها

مدونات أقرأها

(ويبقى وجه ربك..)

(ويبقى وجه ربك..)

أنت قدوتى بعد الرسول

أنت قدوتى بعد الرسول
يتم التشغيل بواسطة Blogger.