*نسيم الشوق*

نسيم الشوق يلهو فى الحنايا..وحب البذل من خير السجايا..تجمل بالعطاءتعش كريما..وتلقى السعد فى دنيا البرايا..

ليه بتزعلى؟!

كنت ديماً لما اشوفك بضحك لك وابتسملك ونسلم على بعض واسألك عن أحوالك وانتى كمان،وبيخلص الكلام بسرعه،مجرد عاده بين اى اتنين بيودوا بعض..وخلصت الحكايه

بس جيتى انتى فى يوم وطلبتى منى اقول لك رأيى عنك ،ونظرتى ليكى واقولك الحقيقه واصرحك باللى جوايا ،وقلت لك بإستغراب("ايوة استغراب من سؤالك مهو طلبك رأيى معناه انه يهمك")مش مهم احنا كده كويسين؛ بس انتى صممتى...
ولما فتحت لك قلبى وقولت لك على احساسى ورأيى واللى بشوفه فيكى لقيتك اتغيرتى..ملامحك ،نظرتك ..ملقتش الضحكه والابتسامه اللى كانت بنا
غريبه...ليه بتزعلى؟منتى اللى طلبتى منى ابقى مرايتك انتى اللى طلبتى منى اشيل الماسك اللى على وشى ووشك،ولما بصيتيلى وشوفتى نفسك فى مرايتى وشوفتى الحقيقه والصراحه اللى طلبتيها اتفجأتى ولقيتك زعلتى
غريبه..ليه بتزعلى؟قولت لك من الاول احنا كده كويسين ،انا اصلى عرفه نفسى مبعرفش اجامل والمرايا لازم تكشف الحقيقه ومينفعش تبقى غير كده ..وازاى تبقى مش كده؟!،لما بصيتى فيها ولقتى كلام مهو ده كلامك ودى افعالك،
غريبه...ليه بتزعلى؟آه نسيت انها بتزعلك..اقصد الصراحه مهى فعلا بتزعل،بس سامحينى ،المرده دى مش هقدر اقولك آسفه ،لأن الاسف مش شرط يتقال وقت الغلط لكن بيتقال لما يكون فيه تقدير بين اتنين ،وانا خلاص ..مبقتش اقدرك،
حاولت كتير اضحك على نفسى واقول انك معذوره ،لكن لقيت عذرك ينطبق عليه "عذر أقبح من ذنب"..
كنتى عوزانى اجملك او اطلع نفسى غلطانه او حتى معقدها حبتين
لكن لما لقيتى منى الصراحه على سبيل الخوف عليكى لا اكثر عندتى ف غلطك وتجاهلتينى،ولقيتك زعلتى ..طب بس قولى لى، لـيــــــــــه بتـــــزعلى؟


من أنا

صورتي
(إيمان )بنوته من الاخوان فى تالته ثانوى ازهرى بحب الناس وكل اللى بيحبونى وبحب الاخوان لأنى اصلاأتشرف انى اكون منهم وبحب البلد والمكان اللى انا عيشه فيه مش مهم هما إزاى لأن اكيد الناس هيه اللى عملت فيهم كده!!.. وبحب البيتزا والبانيه..وأكتروأهم حاجه نفسى ربنا يحققهالى إنى اموت شهيده بجد..

بحب الطبيعه

بحب الطبيعه

نسيم أعشقه


أستغفر الله الذى لاإله إلا هو وأتوب إليه

أستغفر الله الذى لاإله إلا هو وأتوب إليه

شعارنا

شعارنا

أفتخر بذلك..

أفتخر بذلك..

حقاً..

حقاً..

لاتنس ذكر الله

لاتنس ذكر الله

نحن معكى يا غزه

نحن معكى يا غزه

الشيخ أحمد ياسين

الشيخ أحمد ياسين

فضل الإستغفار

فضل الإستغفار

الإسلام هو الحل

الإسلام هو الحل

أحبكم فى الله

أحبكم فى الله

مدونات أقرأها

مدونات أقرأها

(ويبقى وجه ربك..)

(ويبقى وجه ربك..)

أنت قدوتى بعد الرسول

أنت قدوتى بعد الرسول
يتم التشغيل بواسطة Blogger.