أختى...قدآن الأوان

أسمعهم يتكلمون ..كذا وكذا

ليتفقوا على ميعاد كتب كتاب أختى ..ماذا؟!!

جريت إلى غرفتى ونظرت إلى نفسى فى المرآة بتكشيرة فظيعه

سأبقى لوحدى...كييييييييف!(فيها تكسير سنان) إحم أحدههم قادم ..فتحت الكتاب الذى لم اذاكر فيه شىء حتى خرج أخى الذى يراقبنى بنظراته التى شكت في (آة منك يا محمد) قررتٌ إغلاق الباب حينما إندمجوا فى حديثهم وظللت ..أتخيل وارتدى فساتين أمى التى مر عليها زماااااااان .. (واحد أبيض ؛وواحد روز..بس من أيام ثورة 19) وكبر حجمها علي بالطبع ..أجرب هذا وهذا ..أممم هكذا أفضل .. ألتقطت بعض الصور (مش دى طبعاً.. بس أحلى )

أحسست بالتعب قليلاً ..فقررتُ ال..

ثم طرقت أمى الباب قائلتاً (أمونه حببتى بتعملى إيه؟) كنت سأفتح لكن تذكرت أنى ..الفستان و...

فأجبتها (ثوانى يا ماما بغير عايزة حاجه من القوضه؟ )

لم أكذب أنا كنت فعلاً أغير أغلب الوقت أجابت:(لا يا حببتى) وذهبت ..

خرجت مسرعه لأغسل وجهى وأخلع الفستان و...

ثم عدت كما كنت ...وأهويت مرة أخرى لأنام ولكن ..الوضع مختلف الآن..

فهذه أجمل نومه.

وبعدييييييييين فيكى يا دماغى

تخاااااااارييف وعماله أخرف ومفيش مذكرة والإمتحانات هااانت وربنا يستر

اللهُ المستعان

والكلمه دى مليتوا منها خلااااص عرفه

"أسألكم الدعاء"

وسلامى.

"خبر كان عااااجل..."

*السلام عليكم ورحمه الله وبركاته*

الخبر ده المفروض إنه كان عاااجل بس للأسف الجهاز الخربان بتعنا بعد ما اتصلح خرب تانى...

المـــــــــؤتمر إتأجللللللل لشهر5 يعنى فى إمتحناااااتى أنا اتحرق دمىىى يا ناس .. بس إمتى بالظبط فى شهر5 آى دونت نو معرفش بس ياااااااارب يكوون بعد الإمتحانات .وإن شاء الله لما اعرف هبقى أكتب بردك .

آآسفه جداً عشان قولت متأخر بس غصب عنى.

"أسألكم الدعاء" إمتحناتى إهىء إهىء 2\5 \ديماً أمتحن فى شهر عيد ميلادى.

مـــــــا علينا

الله المستعان

والسلام عليكم ورحمه الله وبركاته

"المؤتمر"

" السلام عليكم ورحمه الله وبركاته " مؤتمر القاهرة الدولى يوم الخميس الموافق 26\3\2009 ـــ ياااه فرحت جداً لما عرفت انه خلاص قرب انا مروحتوش غير السنه اللى فاتت بس حبيته جدااا وطبعاً مع اسماء أختى لإنها كانت فى لجنه التواصل ولما كانت بتيجى تتواصل مع الأجانب وتكلمهم عن الإسلام شويه وعن الإخوان شويه وعن هدفه من حضور المؤتمر و...كنت انا بقف جنبها واقعد اسمع واللى افهمه افهمه والباقى كانت هيه بتفهمهولى بعديها..والندوات اللى فيه ياااه والله كل حاجه كانت جميييييييييله شوفت أخوات كتييييير واتعرفت عليهم ...و استفدت منه جدااا ومن كل الناس اللى فيه الإخوان فعلا كانوا عاملين شغل جامد . أنا كان نفسى اتكلم واكتب اكتروعندى حاجات كتيره بس الحقيقه مفيش اى وقت بــــــابـــــا(روحىىىىىىىى ذكرى) بس نفسى اتعرف على أخوات تانى من اللى فى المدونات. والسلام عشان بابا. أسألكم الدعاء والسلام عليكم ورحمه الله وبركاته

لن نصبر

لن نصبر.. لن نصبر يا غزه على ما يحدث لكى لن نصبر على أطفالكى لن نصبر على نسائكى لن نصبر على شيوخكى لن نصبر يا غزه على شبابكى لن نصبر على الدعاء...سندعى لن نصبر على المقاطعه...سنقاطع لن نصبر على الجهاد...سنجاهد لن نصبر على المقاومه...سنقاوم لن نصبر على الهزيمه...سننتصر لن نصبر على التبرع...سنتبرع لن نصبر على السكوت...سنتكلم

فعذرا لكى يا غزه

وعذرا لكم يا أهل غزه ...

أنتم الأبطال الصامدون...أنتم رمز العزه.

فرحه من قلبنا

أييييييييييييييون..من القلب هنفرح بالعيد ...علشانك يا أكبر عيد

****سعييييييييييييد يا عيد***

**كل عام وأنتم إلى الله أقرب وعلى طاعته أدوم

وإلى الجنه أقرب وعن النار أبعد** .اللهم آمين

وبعدين يا خرفان يا بقر يا عجول....

مش مهم المهم تضحوا ....

وانا مش بخيله أنا هديكوا خروف بحاله وكمان شايل على قلبه يعينى نصيحه وجيبهالكوا.. يالا كله بثوابه..

هههههه هوه بس خايف على نفسه مش أكتر.

تقبل الله منا ومنكم .

*وعد منى*

نفسى من زمان أوعد نفسى بوعد بس خيفه لتحط فى ظروف ومعرفش انفذه وبأه خلفت الوعد...بس أخيرا خدت قرار انى لازم اوعد نفسى بالوعد ده لإنى إتحطيت فى اختبار من ربنا وساعتها بس عرفت ان انا كنت ممكن أموت وانا منفذتش الوعد ومحفظتش عليه.كنت خرجه من البيت وريحه المدرسه و كنت متأخره فنزلت من غير ما اصلى الصبح ..كنت مديقه جدا بس قولت اول ما اروح ان شاء الله هصليه مع الظهر.

ووانا بعدى الشارع...المفروض ان الطريق بيبقى فى اتجاه واحد بتمشى فيه العربيات واللى بيعدى بيبص ويعدى !بس معرفش الموتوسكل ده جيه منين وانا بعدى وبصه على العربيات جيه هوه فى اتجاه عكس العربيات و...وقعت فى الشارع واتعورط فى ايدى وهوه طلع جرى بالموتوسكل ..الناس بأه اتلمت وقومونى ومعلش يا بنتى ومنه لله و...انا كل اللى كنت بفكر فيه ساعتها انى كنت ممكن فعلا أموت لولا ستر ربنا وافتكرت الآيه (الله لطيف بعباده)وقولت الحمد لله ووعدت نفسى إنى مش هنزل من البيت أبدا غير لما أكون صليت الصبح وفعلا الحمد لله بقيت أعمل كده على طول وإتكرر الموقف بس بشكل مختلف فى يوم كنت متأخره جداا والمفروض ان معدنا الساعه 8 عشان اصلا الحصه بتبدأ8 وانا كنت صحيه 8إلا خمسه فلبست بسرعه وقولت انا لازم اصلى واتوضيت بسرعه وصليت ووصلت المدرسه الساعه 9إلا ربع وبصيت على الباب من بعيد ملقتش ولا مشرفه قعده فى الدور ودخلت بسرعه وطلعت على الفصل وكانت الحصه التانيه لسه بدأه والمدرسه كمان غابت .. يااااه قولت بس فعلا (ومن يتق الله يجعل له مخرجا ويرزقه من حيث لايحتسب)والوعد الجاى إن شاء الله إنى اقوم كووول يوم الفجر اللهم آمين.

*أول يوم تدوين *

تقريبا عرفت يعنى إيه مدونه من سنه ونص كنت فى أجازه تانيه إعدادى عرفته من أسماء أختى صاحبه مدونه (بحلم-ابنه الاسلام) كنت بقعد جنبها وهيه بتكتب وأقرأ الموضوع اللى هتنزله فى المدونه وأقولها رأي وكنا بندخل على مدونات كتير حبيت اوى المدونات وفكرتها بس كان بردك من الصعب عليا انى أدون يعنى كنت بقرأ المدونات اللى أسماء بتدخل عليها ومدونتها وبس وكمان هيه اللى كانت بتقرأ وأنا مستمع’’ كريم بس كنت بحب اسمعها اوى كنا بنقعد كل يوم باليل وندخل على مدونات كتير ونقرأ ...وفى تالته إعدادى فكرت أعمل مدونه وتكون حلوه زى المدونات اللى كنا بندخل عليها وأكتب فيها مواضيع مفيدةومتنوعه دينيه وسياسيه و... والحمد لله عملتها وانا فى اولى ثانوى وربنا يوفق واعمل فعلا مواضيع مهمه تفيدنى وتفيد اللى يقرأها وابقى فعلا حققت فيها هدف إنى أنفع غيرى بأى حاجه اتعلمها فى الدنيا وابقى من اللى ربنا قال عليهم(كنتم خير أمه أخرجت للناس تأمرون بالمعروف وتنهون عن المنكر وتؤمنون بالله..)اللهم آمين .