*نسيم الشوق*

نسيم الشوق يلهو فى الحنايا..وحب البذل من خير السجايا..تجمل بالعطاءتعش كريما..وتلقى السعد فى دنيا البرايا..

إنتى مين ؟!

هوه انتى بلدى ؟! انتى اللى بحبك؟! انتى اللى بيكى اتنسبت؟! انتى اللى اتولدت وعشت فيكى؟! انتى اللى كنت بفتخر انى منك وانى فيكى؟! انتى اللى كنت بشوف مستقبلك فى خيالى واقول فيكى احلى كلام؟! ياااااااااااه انتى مــــــــــــــصر اول مرة اشوفك اول يوم اعرفك

بجد اتصدمت ، .... معاكى حق انا اللى كنت غلطانه انا اللى كنت معرفكيش انا اللى كنت فكراكى حاجه تانيه
خلاص فهمت "هيه دى مـــصر يا عبله" قولوهالى النهرده كتير ...قالو انى عشان معرفكيش طفله عشان اتصدمت فيكى انا طفله بعيط عليكى انا طفله
معاهم حق ...اصلى لما عرفتك اتولدت تانى واتولد جوايا احساس تانى
مظلومه يا بلدى بينا ...ناس ظلمه وناس سكته وناس مش فهمه
منا اللى كنت بقول انى بحبك مهما كنتى ومهما الناس عملوا فيكى ...متخفيش منستش مكرهتش
انتى فعلا مظلومه ...بيخربوكى ويسرقوكى ويدنسوكى وهما ولادك
بس انتى كنتى شيفه انا كنت بحاول عشان تبقى حلوة عشان تبقى مــصر
بس اكيد ده منى من تقصيرى اكيد قصرت كتير اكيد ضعفت كتير
دلوقتى بس فهمت معنى كلمه "مش هنسافر مش هنبطل مش هنسيب"
ايوة يا بلدى مش هسافر واهاجر واقول انك وحشه وانك ظلمه مش هبطل لآخر نفس ادافع عنك مش هسيبك ابدا للظلمه لوحدك بدون نصير
بس متزعليش منى ... سلمتى بسرعه واتبعتى بسرعه
ولادك بعوكى واتخلوا عنك وسبوكى ؛ايوة بعوكى ...وبأقل سعر ...بأقل تمن ..بأقل عرض
خســـارة؛؛انتى اغلى من كده !صح؟
انتى متستهليش كده ... لكن هما معزورين ممكن يكونوا معزورين !منتى حرمتيهم كتير
انا شوفتك بعينى شوفتهم بيخونوكى بعينى ولما بكت عينى !قالوا لى "هيه دى مــصر يا علبه" وكأنى اول مرة اسمع اسمك
سمعتهم بودانى بيبعوكى بتمن رخيص اوى ...وكان شكلهم وحش اوى
مش عرفه عوزين منك ايه تانى .. مش عرفه هيشبعوا خيانه وغش وغدر ليكى امته!
مش عرفه هيخافوا اللى خلقك وخلقهم امته !فعلا قلوبهم كالحجارة او اشد قسوة ... وكان ظلم للحجارة فإن منها لما يتفجر منه الانهار وان منها لما يشقق فيخرج منه الماء وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ ياااه الحجارة حتى طلعت بتخاف ربنا !سبحان الله
وَمَا اللَّهُ بِغَافِلٍ عَمَّا تَعْمَلُونَ قولى لهم يا بلدى قولى لهم ان ربنا مش غافل عن ظلمهم ....
بس متخفيش يبلدى ..متخفيش يا مــــــــــــــصر ؛زى مجواكى الظلمه جواكى المظلومين وهما اللى هيدفعوا عنك ويحموكى هما اللى هيرجعوا حقك وحقهم هما اللى هيقولوا بأعلى صوتهم من جوه قلوبهم ولآخر عمرهم
"مش هنسافرمش هنبطل مش هنسيب"

أمنيه من العمق

بدايهً: كل سنه وانتوا طيبين وإلى رب العباد عز وجل أقرب وعلى طاعته وقربه ورضاه أدوم وإلى جنته وفردوسه ونعيمه أقرب وعن نارة وعذابه وغضبه أبعد .... ___بقالى كتير مش عرفه اكتب ايه فى المدونه مش عرفه ده سببه ايه بس أعتقد الدراسه والدورس والثانويه والمشغوليه والدوشه دى (يارب تعدى على خير والضغطه دى تخف).....وكمان مراجعه الموضيع القديمه فى المدونه وانى حسيت انها ملهاش لازمه اوى وحسيت كمان المدونه بتعتى بس مجرد فضفضه مش فيها كلام اللى يقرأه يستفيد زى ما كان نفسى من اول معملتها.... وقررت يحاول اعمل كده من تانى يهبطل تدوين؛ **دلوقتى منفسيش غير فى حاجه وحده نفسى اووووى جدااا موووت خالص كتيييير انى اروح احج واقف قدام الكعبه واسجد سجده طويله واشوف قبر حبيبى (صلى الله عليه وسلم )واطلع على جبل عرفات واعمل كل الحجاج كان بيعمولوه النهرده فى يوم عرفه بجد يبختهم ويبخت كل اللى حججوا ربنا يتقبل منهم يارب ويرزقنى انا وامى ابى واخواتى وكل الناس حج مقبول (آآآآآآآآآآآآآمين)

تحذيــــــــــر هــــــام جـــــــــداً

العدو:مسلسل الجماعه \ رئيس الدفاع:د.حـــــازم شومان\ إسم الحلقه:هم العدو فاحذرهم \ ..........................................................................

تنبيه :الحلقات على الشريط الجانبى\

ماذا أقول؟

مـــــاذا أقول وقد أحيانى الله لأستقبل من فى قلبى لهفه وشوقاً وحنيناً للقائه
لاأدرى مــــاذا أقول سوى...اللهم بلغنى رمــــــضان
ولا أجد لنفسى نصيحه كتفهمى لحديث:عن أبي هريرة قال : قال رسول الله صلى الله عليه وسلم : ( من صام رمضان إيمانا واحتسابا ، غُفر له ما تقدم من ذنبه ) رواه الشيخان.
وحديث:
عن عثمان بن عفان رضي الله عنه قال : سمعت رسول الله صلى الله عليه وسلم يقول : (الصيام جنّة من النار ، كجنّة أحدكم من القتال ) رواه ابن ماجة.
أسأل الله لكم ولى أن يبلغنا رمضان وأن يتقبله منا
جزيتــــــــم خيراً

"وكيف لا أُحبك وقلبى بين يديك"

أحياناً يصل بك الحب إلى درجه لاتستطيع معها أن تعبر عما بداخلك من حب... فتجد نفسك
تبكى وانت بين يدى من
تحب أو تجد روحك تعلو وقلبك يصفو ويُحس بالأطمئنان فتأخذ نفساً ثم ترسم إبتسامه ...إبتسامه حب
عندما يصلك شعور أن من أحببته هكذا يحبك ويريدك أن تبقى معه كما تحب أنت فتتبادلان الحب معاً لا بالكلام فقط بل
بالقلب وعندئذ تترك كل متعك وكل ما تفضله لتبقى ولو للحظات معه ..تلك اللحظات التى بدونه
لاتعرف العيش والتى
لو مر عليك يوم من غيرأن تعيشها لا يكون له أى معنى ويكون أضيق ما يكون..

عندما تأخذك المعاصى إلى السيئات وتأمرك نفسك بالسوء فتجد من يأخذك ويبسط لك يده بالهدايه ...فتنظر إلى ما كنت
فيه آنفاً إلى ما أنت عليه الآن وتقول : الحمد لله الذى هدانى لهذا.
.

عندما تكون فى أشد إحتياجك لمن يعينك ويخرجك من محنتك وشدتك.. فتجده معك يعينك ويوفقك ويجعل لك مخرجاً كان
فى غير حسبانك
عندما تكون ضعيف مهزوم لا نصير لك..فتجده ينصرك ويقويك ويجعل من ضعفك قوة ومن انهزامك نصرا...فتشعر
عند كل ذلك أنك ملكت الدنيا بكل ما فيها ..وتحتسب نوال الآخرة

فى مثل هذا اليوم

30/5/1993

يوم الأربعاء الساعه 12 ظهراً/مساءً قبل العيد بيومين . جاءت بى أمى إلى الدنيا حملتنى بين جناحيها تعلق بها قلبى فأصبح لايقدر على تركها كنت فى طفولتى متعلقه بها بدرجه شديدة إذا أتى الصباح وذهبت إلى عملها أبكى لساعات حتى يهدأ ألمى وحتى تعود لى مرة ثانيه حتى حين أصبح سنى ست سنوات وذهبت بى إلى مدرستى ظلت جالسه بجانبى حتى دخل (المُعلم)فخرجت هى وانا ابكى ولم تمض ساعه حتى حملت حقيبتى وخرجت من فصلى اُنادى على أخى الذى كان معى فى نفس المدرسه يسبقنى بعام واحد :يلا نروح لماما

كنت أكثر إخوتى شبهاً بها وكان يقول بذلك كل من يرانى وإن كانت الآن ملامحى إنحرفت إلى أختى الآن ومع ازدياد حبى ازداد بعدى لإنشغالاتى الدراسيه وغيرها لكن قلبى مازال متعلقاً بها يحبها حباً لايوصف. _*فى عامى الجديد هذا تمنيت أشياء كثيرة ونويت أن أحقق إنجازات أعلم أنى مع مشيئه الله وإرادته أقدر على تحقيقها .وضعت اهدافاً أسأل الله أن يبلغنى إياها. إضافه إلى ذلك :اليوم ايضاً هو يوم ميلاد أخى (محمد) الذى يكبرنى بأربع سنوات فعمرة الآن 21 عام. واخيراً وليس آخرا واللى الكل منتظرة على لهفه وشوق **جبت التورته**ليه وللى مش بيحبو البسبوسه زيى ومش من أى حته دى من عند فتكات!! أما الناس اللى بتحب البسبوسه أكتر من أخواتها فانا منستهمش .. وكل سنه وانتوا طيبين.

قريبا...

وقريباً ستنتهى أزمه الإمتحانات يوم 27/5/ وإن كان عند بعض الناس بدرى بس هوه الازهر ديما بيخلص بسرعه لإننا بنفضل 3 اسابيع وهرررررررجع تانى إن شاء الله أسألكم الدعاء وسلامى

ذكريات وإفتكرتها

ا لسلام عليكم .. وحشتونى بلا شك... ماشى هخش فى المفيد

الاإمتحانات كانت متعبه جدا ولما الواحد سدق خد نفسه للأسف مجتش فرصه اوى بسبب مرض قلبى وروحى وكلى(أمى) بس الحمد لله على كل حال.
ادينى رجعت تانى ..وقلبت فى حاجات قديمه
من ضمنها كانت مؤلفات ليه من تالته إعدادى كنت دماغ اوى
وبحب اكتب وحماسيه جدا
فالأولى كانت، مش عرفه اسميها ايه، بس هيه عنوانها كان "أنٌـــادى يا عرب" وكلماتها..
أنادى يا عرب ولم تسمعونى *وبالرصاص يا عرب وقد طعنونى
أنادى يا عرب أن انجدونى*وبأيدكم أن تنصرونى
أنادى يا عرب هل تسمعونى *وانا انادى ولا تبصرونى
ولكنكم بالقلب ترونى*وبالدعاء يا عرب تستجيبونى
أنادى يا عرب ولم تسمعونى
وفى الوطن يا عرب ولم تعرفونى* تبرون منى وانت ترونى
فهل يقتلون النساء أم الاطفال *ولكن ياعرب اين الرجال؟!
هل يقتلون الشيوخ أم الشباب * وأين همو !وما فعل الذئاب
أنادى يا عرب ولم تسمعونى
أنادى ياعرب ودموعى جفت *من البكاء يا عرب وقد قفلت
وللحق للعدو أن يستجم *وهو يرى ما فعلت بنا الأمم
قالوا عن المقاطعه وفرضوها *ولكن الناس هل يتبعوها؟!
أنادى يا عرب ولم تسمعونى
.....
دى الأولى
أما التانيه كان اسمها "غابه الأغنام"!! وكلماتها...
"كنت طيراً أعيش فى سلام ..من غصن إلى غصن ولا أبالى للأيام..اذهب للأسد فى عرينه بلا كلام..اذهب للتمساح فى البحيره وانظر للأمام..
وفى كل هذا!ما حدث أنى رأيت فى يوم من الأيام
حيوانا بحسام(سيف)يحمى حيوانا من حيوان.. ولكن!حدث وأنى رأيت هذا العجيب العجاب..
فعندما مزلت دنيا الانام وجدت ما هو أغرب من الاحلام! فوجدت...
!إنسانا يحمى إنسانا من إنسان!
فعلمت أن دنيا الأنام من وصفها بأنها"غابه الاغنام"
قد أكل كثيرا ثم نام .."
..وكفايه كده لحسن انا مبقتش فاهمه حاجه هما فيهم شويه جمل كده مش متركبه اوى بس معلش بقى
فى النهايه
أسألكم الدعاء لى بالثبات ولأمى بالشفاء.
أحبكم فى الله

من أنا

صورتي
(إيمان )بنوته من الاخوان فى تالته ثانوى ازهرى بحب الناس وكل اللى بيحبونى وبحب الاخوان لأنى اصلاأتشرف انى اكون منهم وبحب البلد والمكان اللى انا عيشه فيه مش مهم هما إزاى لأن اكيد الناس هيه اللى عملت فيهم كده!!.. وبحب البيتزا والبانيه..وأكتروأهم حاجه نفسى ربنا يحققهالى إنى اموت شهيده بجد..

بحب الطبيعه

بحب الطبيعه

نسيم أعشقه

أستغفر الله الذى لاإله إلا هو وأتوب إليه

أستغفر الله الذى لاإله إلا هو وأتوب إليه

شعارنا

شعارنا

أفتخر بذلك..

أفتخر بذلك..

حقاً..

حقاً..

لاتنس ذكر الله

لاتنس ذكر الله

نحن معكى يا غزه

نحن معكى يا غزه

الشيخ أحمد ياسين

الشيخ أحمد ياسين

فضل الإستغفار

فضل الإستغفار

الإسلام هو الحل

الإسلام هو الحل

أحبكم فى الله

أحبكم فى الله

مدونات أقرأها

مدونات أقرأها

(ويبقى وجه ربك..)

(ويبقى وجه ربك..)

أنت قدوتى بعد الرسول

أنت قدوتى بعد الرسول
يتم التشغيل بواسطة Blogger.