عالم تانى..احترت معه كثيراً

عالم تانى هكذا اسموة كل من عرفوة *النت* كل الناس او اغلبهم بيقولوا النت ده عالم تانى اغلبه غش وخداع وكذب و.. لكن ردى الدائم,كل جاجه فيها الحلو والوحش النت فيه الحلو والوحش التليفزيون والشارع والناس و.. وللأسف صحابى وقعوا فى جزء من قبح العالم ده وهوه الشـــــــــــــــات من المعروف ان الشات ده عباره عن مكان بيتكلم فيه اى حد وبيتعرف على ناس ميعرفهاش وشباب وبنات ونظام غريب جدااً جت صحبتى قالت لى انا اتعرفت على فلان وفلان و...وكانت صدمتى الكبرى فى بدايه الامر دورت كتيرو قرأت عشان اعرف هل الشات حرام ولا حلال و... والرأى اللى حسيته أقرب للصواب أن الشات فى حد ذاته مش حرام بس هوه طريق للحرام وطبعا الايه بتقول (ولاتتبعوا خطوات الشيطان)وكمان ممكن يسبب ضرر وبردك الايه بتقول (ولاتمضوا بإيديكم الى التهلكه واحسنوا) احترت كتير مع صحابى وبدأت بالكلام معاهم وان ربنا قال (ولامتخذات اخدان)و... بس الموضوع كبر ووصل لإميلات واكيد هيكبر والله اعلم هيوصل لفين وكان ردهم اللى احزنى جداااااااااا وابكانى (أًصلى مش عرفه أبطل مش قدرة,خدت عليهم,ادمنت, ادينى بتسلى) تعبت كتير واحترت وحسيت انهم بدأو يبعدوا عنى وبقى يشغل وقتهم جدا(وعن شبابه فيماابلاة ,وعن عمرة فيما افناه)! طيب بغض النظر عن كوووووول ده عوزة اسألكم ..ازاى اقنعهم واقولهم ايه وخدهم وحده وحده ازاى ؟انا خيفه عليهم اوى وعوزاهم يرجعوا زى الاول تانى وعوزاكو تدعو لى فى الموضوع ده اووووى وكمان عشان الدراسه بدأت والطوارىء فى بيتنا بدأت لأن اخويا فى تالته ثانوى ازهرى وربنا يستر كلها يومين وابقى بالمنظر المعتاد

عرفه

الكلام مش مرتب خالص

لان حالتى اساسن مش مرتبه خالص

أسألكم الدعاء

وجزاكم الله خيراًاً (استحملتو)

حبيبى..أأتيت لتقول وداعاً؟!

ثوانى..مش مسدقه انك هتمشى انت ديما كده ..بتيجى وتمشى بسرعه هتمشى بكرة الصبح ياااااااه أنا منمتش عشان افضل معاك مش هسيبك للحظه ده اخر يوم ليا معاك.

بس المرة دى مش هسيبك هاجى معاك ..بقلبى

فعلا (أياماً معدودات) أيامك بتيجى وتعدى بسرعه مش بلحق اشبع منك وجودك مش على قد شوقى ليك

بس انا هفضل معاك بقلبى وهفتكر ايامى معاك كانت اجمل ايام واسعد ايام قربتنى من اعز حاجه عندى يمكن بيك ربنا يسمحنى على اى حاجه عملتها.. دموعى واللى فى قلبى مش كفايه اكيد لازلت مقصرة فى حقك سامحنى واعذرنى

وآسفه على كل لحظه كنت فيها معاك وضيعتها من إيدى ..خلاص الباب اللى اتفتح هيتقفل وراك ..واللى اتقفل هيتفتح تانى

وهيخرج ابليس تانى ..خلى اللى باقى منك معايا يحمينى لحد ما ترجعلى تانى

انت اكيد هتيجى تانى بس مش عرفه انا هبقى موجوده ولا لا..

لو ربك قدر هستناك ..أنت غيرت فيا اووووووووووووووووووى

حبيبى لن تستطيع كلماتى ان تعبر عن ذرة بداخلى

لكن أتمنى من ربنا عز وجل انه يكون تقبل منى أيامى وانا معاك ومكنش عملت ذنب الا لما يكون اتغفر

ياريت تعدى الايام بسرعه عشان تيجى واشوف نورك قدامى

آنين قلبى بيهمس لا تفارقنى

هستنى سنه .. ده القدر

اللهم تقبل منا رمضان ..واعده علينا اعواما مديده ..وارزقنا الاخلاص فى القول والعمل

عذرا لأكمل مع حبيبى قبل الوداع

أسألكم الدعاء

والسلام

من أشد خشيه؟

قال تعالى:(إن الله يخشى من عباده العلماء) تعلمت أنه كلما عرفت الله وكلما علمت بعذابه كنت أكثر إيماناً وخشيه من معصيته. هذة ايضا طبيعه فى الإنسان .. فمثلا إذا وقف طفلا صغيراً لا يعلم شيئا أمام أسد ووقفت رجلاً عاقلاً بجانبه .. من المؤكد أن الرجل سيجرى ويهرب بعيداً إلى مخبا او ملجأ يحميه من ذلك الأسد الذى يعلم يقينا أنه سيتسبب فى هلاكه .. أما الطفل فهو لايعلم ما هذا وما الذى ينتظرة فلن يرهب ويخاف عكس الرجل ولربما ايضا يقترب منه!لأنه لا يعلم أما الذى يعلم بخطورته فبتعد وتجنب وهذا شأن العاقل. كذلك ..أذا لم نعلم بعذاب الله علماً سليماً وأن هناك جنه ونار ثواب وعقاب الثواب للطائعين المؤمنين والعقاب للعاصين و الكافرين لما كنا أطعنا الله (هذا غير اننا نطيع الله حباً له سبحانه) أما إذا علمنا حق العلم والمعرفه بعذاب الله الذى ينتظر العاصين فإننا سنخشاه خشيه تؤدى بنا وتدفعنا للطاعه *فالطاعه لله على قدر خشيته* وها ايضا كحال سحره فرعون الذين ءامنو.. فعندما كنت أقرأ قوله تعالى (فألقى موسى عصاه فإذا هى تلقف ما يأفكون*فألقى السحره ساجدين *قالو أمنا برب العالمين) تعجبت كثيرا كيف ءامنو فى لحظه؟!!*لأنهم كانوا علمــاء يفرقون جيداً بين السحر والحقيقه(المعجزة)فلما تأكدوا أن عصا موسى عليه السلام ليست بسحر ءامنو وكان إيمانهم إيمانا شديدا.. لا أريد الإطاله *أسأل الله لى ولكم العلم والخشيه والخشوع والذل لله عز وجل وأذكركم ونفسى بالمداومه على السنن لانها ستكب لنا بإذن الله فرض وهذا من خيرات شهرنا الكريم **رمضان** ولاننا ايضاً نحب المصطفى (صلى الله عليه وسلم)فنكون عندنا الدليل ع حبنا له (إن المحب لمن يحب لتابع) وجـــــــــــــــــــــــــــزاكم الله خيراً

ها قد عاد حبيبى..بعد طول انتظار

ها قد عادى الى حبيبى بعد ما انتظرته طويلاااااااا الحمد لله الذى احيانى حتى استقبل هذا اليوم لعل عينى دمعت حين علمت بقدوم هلاله احسست بالاطمأنان وشعرت بالراحه الآن يا باغى الخير أقبل...ويا باغى الشر أقصر تذكرت الحديث القدسى(إلا الصوم فإنه لى وانا أجزى به)شرف من الله عز وجل لنا فى هذه العباده السريه ... وتذكرت كلمه (لعله آخر رمضان يمر علينا ) فلنستغله جميعا ولنقدم ما بوسعنا من الطاعات من صلوات وسنن وقيام وصدقات و...

ولا ننسى نيه الاعتكاف عند دخول المسجد

وتجديد النيه دئما

أحببت أن اهنئكم

أتمنى من الله ان يتقبل منى وإياكم صالح الاعمال وأن يبلغنى وإياكم رمضان وان يغفر لنا جميع ذنوبنا

فكما كان الرسول صلى الله عليه وسلم:(رغم انف امرىء ادرك رمضان ولم يغفر له)

اللهم آمين

لاتنسونى من صالح دعائكم

وكل عام وانتم الى الله اقرب وعلى طاعته ادوم

عذرا لعدم متباعتى وكتابتى الفترة الاخيرة

سامحونى

*والسلاام عليكم*

واكتشفت نفسى

السلام عليكم انا كده خلاص رجعت بس يارتنى ما كنت رجعت اكتشفت حاجات كتير اكتشفت انى لسه طفله وانى مش بعرف اخد اى قرار جد وانى لسه بعقل اطفال مش زيى ما بيقولوا انى مخى كبير اكتشفت انى لما ببقى فى موقف زى ده ...

بقف عاجزة وبهرب وببقى محتارة بين قلبى وعقلى

انا لو كنت عقله ومخى كبير كنت عرفت اقرر

كان بقى عندى صبر حتى على التفكير

مكنتش خفت وبقيت جبانه انى افتح اى باب منهم

لكن مفتحش واحد نص فتحه واجرى افتح التانى نص فتحه

واستنى التالت يفتح لوحده

لإنى عرفه انى المفروض كنت روحت له من الاول

وفى الآخر اهرب تانى

طب ما كان من الاول

بس ده قدرى

وهصبر عليه

وهستحمل

ومش ههرب

وهقرب

وهختار

وهبقى راضيه باللى اخترته

وهحكم عقلى وقلبى

وقبلهم

هحكم ربنا

وادعوا لى اوى

ربنا يريح قلبى

ويصبرنى

سلام عليكم

انا مسافرة

هسافر كمان شويه العريش هتوحشونى اوى متنسونش من دعائكم

استودعكم الله الذى لا تضيع ودائعه

وعذرا لمدونه إشراقه على عدم حضورى

وسلامى لكم جميعاً

أكتر من وحشتونى

ياااااااااه واللهى انا مش عرفه اقول ايه ولا ايه بس بجد فعلا انتوا وحشتوووووووووووووووووووووونى الى حد كبير حسيت انى بحبكم لما بعدت عنكم انتوا نسيتونى ياترى ولا لسه انا نفسى ادخل على المدونات كلهااااااااا زى زمان بس للأسف الجهاز بتعدنا كان بيعطل كتير وكنت بجنن عشان ادخل على المدونات ياريت تكونوا لسه بتدعوا لى .

أحبكم فى الله كثيراااااااا

مش هقدر اتكلم تانى مش عرفه اقول ايه بس مديقه عشان بعدت بس كان من غصب عنى بالله عليكوا ادعولى

عذرا

السلام عليكم